Боғ ва токзорларда техникадан самарали фойдаланиш

Ўзбекистон ССР Давлат план комитетининг Илмий-техника информацияси ва техник-иқтисодий тадқиқотлар илмий-текшириш институти. Тошкент - 1985, 12 бет.Мева ва узум етиштиришни кўпайтиришнинг ҳал қилувчи омилларидан бири меҳнат унумдорлигини ошириш, маҳсулот таннархини пасайтиришдир. Бунинг учун боғ ва токзорларга ишлов беришда иш жараёнларни комплекс механизациялаш талаб этилади. Хўжаликларни ихтисослаштирилган техника билан жиҳозлаш боғ ва токзорларда бир қатор асосий жараёнларни: боғларда тупроққа ишлов беришни 80 процент; ўғит солишни - 85; вақтинчалик суғориш ариқлари ва эгатлар очишни - 90; зараркунанда ва касалликларга қарши курашни - 85; дарахтларни парваришлашни - 20 ва ҳосил теримини 10 процент; токзорларда эса тупроққа ишлов беришни 85 процент; ўғит солишни - 90; токларни кўмишни - 85; ток новдаларини парваришлашни - 20; зараркунанда ва касалликларга қарши курашни - 85; ҳосил узишни 11 процент механизациялашга имкон берди.
Бироқ тармоқда асосий ишларни механизациялаш даражаси ҳозирча паст, у замонавий талабларга жавоб бермайди. Бу узум таннархи юқорилигининг, маҳсулот бирлигига кўп меҳнат сарфланиши, деҳқончилик маданияти пастлигининг сабабларидан биридир. Масалан, мева ва узум етиштиришга жуда кўп: боғларда гектарига 500-1000 киши-соат ва 1 ц маҳсулотга 3-20 киши-соат, токзорларда - тегишлича 1500-2000 ва 5-30 киши-соат меҳнат сарфланади.